komunitatea | Dabid Martinez

Posts Tagged ‘komunitatea’

Aselen aldeko hitzaldia Bilboko burtsan

Posted by Dabid Martinez on Martxoa 11th, 2010

Atzo Aselen inguruko hitzaldia antolatu genuen Bilboko Burtsan. Bertan Askapenako brigadista bi eta Askel plataformako beste bi kide egon ginen. Askapenak Maputxe herriaren berri eman zigun, herri indigena honen historia eta gora-beherak zehaztuz. Guk gure aldetik, Aselen kasuaz egin genuen berba, Internet bitarteko komunikazioaz eta hurrengo erronkaz.

Oso hitzaldi interesgarria izan zen, gehienbat hitzaldia eta gero sortu zen eztabaidagaitik. Eztabaida hau bi zatitan banatu zen, batetik Aselen berrien ingurukoa eta bestetik zalantza teknikoen ingurukoa (hitzaldia eta geroko garagardoan). Askapenarekin Internet bitartez nola komunikatu eztabaidatu genuen, bloga, bideo streaminga, sare sozialak… Elkarrizketa horretatik proiektu interesgarria atera daitekeelakoan nago eta horrek asko pozten nau

Blog honetatik eskerrak eman nahi dizkiot Askapenako kide guztiek egin duten lan handiagatik. Argazki guztiak nire flickren

Abisteak 2.0 saioa jaio da

Posted by Dabid Martinez on Martxoa 9th, 2010

Gaur Patxi eta Galderrek albistak 2.0 bideo bloga aurkeztu digute Euskal Herriko teknopatei. Albiste berriak blogosferan gaur arte inoiz asko jorratu ez dugun formatu batean… Bideo bloga.

Aktibismoz, euskaraz, Euskal Herriaz eta Euskal Herrian

BETA saio bat bada ere, oso proiektua interesgarria dela deritzot (BETA askoz txarragoak ikusi ditut koadrila). Komunikaziorako erreminta izugarria sortu daiteke eta Interneten jorratzen ditugun gai guztiak Euskal Herriko eta munduko lagunei gure proiektuak erakusteko leiho ederra izan daiteke.

Albisteak 2.0.000 from Albisteak 2.0 on Vimeo.

Lizentzia librea, eduki libreak, ideia libreak, proiektu libreak… Libre eta aske sarearen bitartean. Telebista parte hartzaile eta kolaboratzailea. Blogosfera guztiak ideiak emateko eskatu digute, eta nik buelta pare bat eman eta komentatuko diet.

Zorionak ideia izan duzuen guztioi, zuen lana aurrera aterako dugu denon artean

XXI. mendeko independentistak: Iraultza berritzen?

Posted by Dabid Martinez on Martxoa 1st, 2010

Gaur facebooken bitartez galdera oso interesgarri bat egin didate, zein onura ekar diezaioke mugimendu hacktibistak www.independentistak.net sare sozial berriari? Eta ideia batzuk bururatu zaizkit… Baina ideak bota aurretik pare bat inpresio komentatu nahi ditut.

Batetik, ez dakit egia izango ote den partidismoa alde batera utziko dutela, eta daukadan esperientzian oinarriturik, ez dut uste horretarako gai izango direnik, hala ere, ea lortzen duten. Hori da, nire ustez lehen erronka .
Bestetik, Madrilgo lagunek EHko iniziatiba guztiekin egiten duten moduan, zarratzen saiatuko direla.

Nire ustez, bi puntu horietan dago gakoa, erronka nagusia lehen puntuan dagoela uste badut ere. Nire aburuz, partidismoak min asko egin dio mugimendu independentistari. Independentistak garenok, amankomunean ditugun gauzetan oinarritu beharko genituzke gure irizpideak; eta independentzia dugunean egingo dugu berba gure desakordioen inguruan. Baina azkenaldian, EHko politika zirko hutsa dela deritzot, eta alderdi guztiak pailazoz beteta daudela esango nuke.

Alderdiek euren onura propioak eta euren dirua dituzte buruan; BMWak, Mecedesak, etxeak… Eta pertsonak? Politikoek ez dute pertsonengan pentsatzen. Nortzuk egiten dute kaleko politika? Nire ustez, oso gutxik, eta ez dira alderdi politikoak izaten, pertsona fisiokoak baizik. Beraz, hor dago lehen erronka: alderdiez baino, pertsonez osaturiko sare sozial bat gauzatzea eta bizirik mantentzea.

Bestalde, post hau hacktibistek egin genezakeenaren inguruan fokatu nahiko nuke, eta nire ustez gakoak, hurrengoak izango lirateke:

Komunikaziorako barne posta zerrenda baten koordinakunde teknikoa. Horrela, independentista guztien arteko komunikazioa bermatuta egongo litzateke.
Webgunearen mantenu eta eguneraketa.
Sare sozialetako eztabaida ezberdinak bideratzea (Twitter edo facebookean adibidez)
Sare sozial berri baten garapena: Sare sozial propio bat sor daiteke lan-talde honen inguruan. Sare sozial ezberdina, ez facebook, ez tuenti ezta kanpoko enpresa batek kudeatutako ezer, barnekoa, geurea, aktibistek egina eta osatua.
Lan teknikoaren gestio eta aholkularitza eman genezake
Bururatzen zaizkigun baliabide teknikoak osatzea, niri gaur hauek otu zaizkit.

Baina nor dago prest koordinazio hau guztia egiteko? Ba ni neu behintzat bai, baina betiere partidismoan erortzen ez bagara. Pertsonak ikusi baino alderdiak identifikatzen baditut, proiektua ez dut gustuko izango eta normalean ez ditut lantzen gustuko ez ditudan proiektuak… Bestetik proiektu hau benetan kaleratzen eta sakontzen bada, lan talde tekniko handi bat behar izango dugu beraz horretan pentsatu beharko genuke.

Ilusioz hartzen dut proiektu hau, oso ekimen interesgarria dela uste dut… Oso gaitz ikusten dut post honetan komentatzen ditudan interesak alde batera uztea, baina konfidantza botoa aitortu beharko, ez?

Tira ba, ondo segi eta animo!

Soldatapeko blogintza?

Posted by Dabid Martinez on Otsaila 23rd, 2010

Aspaldi blogen inguruko gogoeta bat egiten ez nuela, gaur berri interesgarri bat irakurri dut egi ahal izateko

Gaur lanean kafea edaten nuen bitartean, blogaria naizela dakien lagun batek gaur goizean kotxean lanera zetorrela berri interesgarri bat entzun eta komentatu dit. Antza denez, eusko jaurlaritza influentzia duten zenbait blogari “soldatan jarri” eta Euskadiko turismoa (ez Euskal Herria) promozionatzeko ordaindu behar ditu.

Honek pentsarazi egin dit. Nire lehen galdera; ordainduko balidate, soldatapeko blogintza egingo nuke? Ba agian bai, ez dakit, baina beti askatasun osoz egin ahal izango banu. Dena den, nire ustez blogariek dugun freskotasuna eta askatasuna galduko nuke. Influentzia duten blogariek euren pasioen inguruan idazten dutelako izaten ohi dira eta hori da hain zuzen ere nire ustez euren blogari freskotasuna ematen diona. Seguru nago ez nukeela era berean idatziko gustuko dudan gauza bati buruz edo “behartuta” idazten dudan beste bati buruz. Nire ustez bigarren aukerak nire pasio eta idazteko nahia diruz estalia utziko luke, beraz hor freskotasuna eta pasioa galduko nuke. Baina gustuko dudan gai bat izatekotan, agian ez.

Oso ondo dago blogintzagaitik kobratzea, ez dut ezetzik esango, blogariak hori egitearen alde badago behintzat. Ez gaizki ulertu esan nahi dudana, ez dut inor kritikatzen

Nire ustez Euskadi (eta ez Euskal Herria) promozionatu beharko banu, nik egin nahi dudalako egitekotan, Gaztelugatxeren inguruan egingo nuke berba. Ezagutzen nauzuenok badakizue zenbat maite dudan Bermeoko txoko hori. Bai gustura idatziko nukeela horren inguruan. Baina soldatapeko bidalketan adibidez, Bilboren inguruan berba egingo banu… Wikipedia begiratu, zertaz idatzi nahi dudan pentsatu, nola enfokatu… Post guztietan egiten ditudan gauza horrek ez nituzke pasio beraz egingo. Seguru nago.

Bestalde bigarren duda bat sortzen zait, euskaraz idatziko dute? Agian euskaraz eta gaztelaniaz? Ez dakit, baina blog honetako bidalketa zein hizkuntzatan egiten dudan, nik aukeratzen dut. Adibidez, azken aldian Aselen inguruan berba asko egin dut, eta Txileko lagun askok horren inguruan irakurri nahi dutenez, asko eta asko idatzi dut gaztelaniaz, baina badakizue normalean euskaraz aritzen naizela sarean. Ba hemen ere, berdina diot, gaztelaniaz eta euskaraz ez nuke era berean idatziko nire herriaren inguruan…

Bidalketa honekin ideia ona iruditzen zaidala kaleratu nahi dut, baina blogaria izanda, nire zalantzak ere baditudala besterik ez dut adierazi nahi

Baina tira, zorte on promozio horrekin.

Azkenik, kritika txia; promozionatu behar duguna Euskal Herria dat. Hemen gobernuaren lehen hanka sartzea nire ustez.

Ondo segi koadrila!

Slidea tarop Creative Commons

Asel bere etxean da, zerbait bada!

Posted by Dabid Martinez on Otsaila 10th, 2010

Internetek bere fruituak eman ditu, Internet, aktibismoak, asanbladak, talde lanak… Gure laguna etxean egotea ahalbidetu dute. Beste behin ere, partidaren zatitxo bat irabazi dugu. Hemendik aurrera Aselen askatasuna eskatzen jarraitu beharra dagoela uste dut, nahiz eta etxean egon, pertsona aske bat ez delako.

Errugabea delako Asel askatu! Horrek izan behar du gaurtik aurrera maila internazionalean bidali behar dugun mezua, Euskal Herritik, Londresetik, Txiletik, Japoniatik, mundu osotik. Txileko gobernuak gure oihartzuna zein den argi izan behar du. Asel Luzarraga etxean libre nahi dugu.

Vane disfruta de Asel, Asel disfruta de Vane. Disfrutar del amor que os tenéis, de lo mucho que os queréis. Es hora de que recuperéis lo que os han quitado, lo que no os han dejado vivir, lo que no os han permitido disfrutar. Nosotros seguimos aquí para trabajar por la liberación de Asel. Para decir todo lo que nos toca decir.

Bizitzak alde onak eta txarrak ditu, onak lagunekin disfrutatzen ditugu, familiarekin, maite dugun jendearekin… Txarrak normalean pertsona berdinekin pasatzen ditugu, eta sarritan pertsona berdinengatik sufritzen ditugu.

Quiero agradecer a todos los que os habéis implicado hasta ahora en el caso, vuestra participación activa en él. Además quiero pediros que continuemos en la brecha, que aunque esté en casa no es una persona libre. Pero haremos que lo sea.

Elkar lanarekin irabaziko dugu apustu hau, askatasuna eta adierazpen askatasunaren aldeko apustu hau.

Por último mi más sincero y efusivo abrazo a la familia de Asel, a su hermana que tan gran trabajo ha hecho, a sus padres que tanto han tenido que pasar y en general, a todas esas personas que se han preocupado, se siguen preocupando y se seguirán preocupando por nuestro gran amigo, Asel Luzarraga.

Asel, nik zuk dituzun lagunak izan nahi ditut. Behar direnean, bertan egoten direnak.

BIBA ZUEK!