Dabid Martinez » joomla!kafea

Joomla!Euskaraz komunitaea ireki berri dugu!

Dabid Martinez — Thu, 04 Jun 2009 17:06:19 +0000

Gaurkoan berri interesgarri bat daukagu Euskal Herrian bizi diren Joomla CMSko erabiltzaileentzat. Gaur jaio da Joomla!Euskaraz komunitatea. Denbora nahiko da jada proiektu honi bueltak ematen ari garela eta gaur izan da irekitzeko eguna, pertsiana altxatu eta gure etxe txikia erakusteko aukera egin dugu.

Hasi aurretik hurrengoa esan nahiko genuke; BETA bertsioan gaude, errorerik aurkitzekotan bidali kontatua@joomlaeuskaraz.org helbidera.

Joomla euskaratu nahi duzu? Hau da zure lekua.
Joomlako osagai baten euskeraketa duzu hortik galduta? Jarri guztiona izango den katalogoan.
Komunitatea lagundu nahi duzu? Egin zaitez ireki berri nahi dugun foroko admin.
Joomla berri gustiak esagutzen dituzu? Bidali gurera.
Joomla ikasi nahi duzu? Bilatu fororako admin bat eta posteatu

Eta orain gure historia laburraren berri eman nahi dizuegu:

Joomla!Euskaraz komunitatea, 2009ko apirilaren 18an, Bilbon egindako lehenengo Joomla!Kaferaren ondorioz sortzen da. Bertan bildutakoek , Joomla inguruan komunitate euskaldun bat sortzeko beharra ikusi genuen, indarrak batzeko eta plataformaren erabilera Euskal Herrian bultzatzeko.

Komunitate honi esker, Joomla eduki kudeatzaile sistemaren (CMS) erabilera zabaldu egin nahi dugu eta erabiltzaile euskaldunei euskarria eman, plataformarako euskaraz garatutako eta itzulitako baliabideak guztien eskura jarriz, eta sortzen diren zalantzak zein arazoak konpontzen saiatzen beraien hizkuntzan.Joomla!Euskaraz komunitate zabala eta irekia izan nahi du parte hartu nahi duten guztientzat. Parte hartzeko era asko egon daitezke:

Plataforma euskaratzen lagunduz
Osagai, modulu eta pluginak euskaratuz
Garatutako osagai, modulu eta plugin berriak gehituz (Euskaraz noski )
Foroan beste erabiltzaileei lagunduz

Beti ere komunitateko beste kideak errespetatuz, hori dela eta komunitate honek ez du jarrera matxistarik edota arrazistarik onartuko, ezta inongo hizkuntz iraingarria ere.

Gogoratu denon eskuetan jarri dugun erreminta parte hartzailea, izena eman gure posta zerrendan.
Facebook: http://www.facebook.com/pages/JoomlaEuskaraz/75016266949
Twitter: http://www.twitter.com/joomlaeuskaraz
Webgunea: http://www.joomlaeuskaraz.org/

Ondo izan eta gozatu gurean!

Elkarbanatu

Informatikari euskadunen bilkura 09 #ieb09

Dabid Martinez — Thu, 07 May 2009 18:45:26 +0000

Tituluaren azken atala ez da RGB kode baten azken digitua ahaztu dudanik, egun osoan twitter sisteman erabili izan dugun etiketa baino. Eta zertarako erabili twitter denok egon bagara gela berean? Ba denbora premia bat iizan delako, proiektu euskaldun asko aurkeztu dira gaurkoan eta eztabaidatzeko denbora urria izan behar izan du. Utziko izan baligute seguru aski oraindik mahai inguruan egongo ginateke.

Eta zer egin dugu gaur informatikari euskaldunek? Ba informatikari euskaldunen 2009ko bilkura ospatu, 200 pertsona inguru Miramoneko eraikin zentralean, 200 informatikari euskaldun ain zuzen ere. Askok eta askok euren proiektuak aurkeztu izan dituzte, array txiki, morfeo ezweb, sinadura, bildu.net-eko berrikuntzak, kazetaritza 2.0 etab luze bat.

Goizean goiz jaiki eta A8a hartu dugu Donostiarako bidean (gorroto dut A8a), GPS arinagoko gauean prestatu eta aurrera!

Apur bat berandu eldu bagara ere jardunaldien aurkezpena baino ez zegoen eginda, beraz hitzaldi guztiak entzuteko garaiz izan gara. Teknologiak berriak gaur eta bihar, biharko teknologi berrien inguruan berba egiteko balio izan digu, baina baita gaur egunekoen inguruan ere. Oso jardunaldi entretenitua izan da eta lagun asko ikusi ditugu (denok batzen gara holakoetan), Maite, Gorka, Patxi, Gisa elkarteko lagunak… Eta Joxe bota dugu faltan!

Proiektu ezberdinen aurkezpena beste egun baten egingo dut, gaur ia egun osoa off line eman eta seguru korreo pila ditudala nire irakurketaren zain, beraz…

Elkarbanatu

Lehen Joomla!Kafea Bilbon, balorazioa

Dabid Martinez — Sun, 19 Apr 2009 11:16:23 +0000

Atzo Bilboko lehen Joomla!kafea ospatu genuen Bilbon, reciclanet elkartearen egoitzan, hitzordua arratsaldeko 18.00etan izan zen eta 10 lagun inguru batu ginen. Hack.in#badakigu informatika aske elkartea, ESLE jendea (titulu pertsonalean, zenbait enpresetako jendea… Genituen proiektuen eta egin beharren artean aritu ginen arratsaldeko 20.00ak pasatxo izan arte.

Komentatutakoen artean hurrengoak azpimarratu nahiko nituzke:

Joomla!ren euskeraketan bi izatetik agian pertsona gehiago izatera pasatu gaitezke, jendeak oso ondo hartu zuen Joomla! euskaratzeko gogoa eta askok horren inguruan gehigarriak euskaratzen hasi dira dagoeneko. Gainera asko poztu ninduen lagun batzuek nik euskaratutako gehigarri bat erabiltzen dutela jakitea
Joomla!Euskaraz komunitatea sortuko dugu, bertan Euskal Herrian Joomla!ren inguruan sortzen diren berriak eta euskaraketak zein proiektuak kaleratzeko leku aproposa sortuz. Joomla! bat instalatuko da eta bere barnean, foro, blog eta gehigarri euskaldunen katalogo bat sortuko dugu.
Reciclanet eta hack.in#badakigu taldeen arteko kolaborazio lana sortuko da reciclaneteko webgunea Joomla! batera migratzeko.
Hack.in#badakigu informatika aske elkartean reciclaneten egoitzan edo San Ignazioko kultur etxean Joomla!ko ikastaro bat emango dugu, hasieran ezer ez dakien jendearentzat geroago animatzekotan erritmoa igoz
Komentatutako proiektuen arabera poztekoa da Euskal Herrian zenbat proiektu sortzen diren CMS honen inguruan.

Azkenik eta era pertsonalean, gehien gustatu zaidana jendearekin egon ahal izatea izan da, gure pantailatik kanpo beste programatzaile asko daudela ikustea eta eurekin berba egiten aritu ahal izatea.

Goraintziak gustioi eta atzo hartutako etxeko lanak egiten hasiko naiz

Posta zerrenda: hemen.

Elkarbanatu